ගුරු ගීතය

රුසියානු සාහිත්‍ය කියන්නෙ ලෝකයේ බිහිවුනු විශිශ්ටම සාහිත්‍යක්.සෝවියට් සමයේ කිර්ගිස්තාන් ගත්කරුවෙකු වූ චින්ගීස් අයිත්මාතව් විසින් රචිත ගුරු ගීතය අපූරු ගුරුවරයෙකු හා සිසුවියක් වටා ගෙතුන සුන්දර කතාන්දරයක්. මේ එයින් කල උපුටා ගැනීමක්.කියවල බලන්නකො කොච්චර ලස්සන කතවක්ද කියල.

"අපේ ගමේ තව බොහෝ ගස් තිබූ නමුත් මේ පොප්ලර් ගස් දෙක විශේෂ විය. ඔවුන්ට ඔවුන්ගේම භාෂාවක් තිබුනේය. එසේම ඔවුනටම විශේෂවූ ගීතවත් ආත්මයක් තිබුනා විය හැකිය. දිවා කල මෙන්ම රාත්‍රියේද ඔවූහු සෙමින් සෙමින් දෙපසට වැනෙති. එවිට ඔවුන්ගේ නොනවතින සරසරය හා මුණුමුණුව ඇසිය හැකිය. විටෙක එය දියරැළි මෘදු ලෙස වෙරළෙහි හැපෙන හැපෙන හඬට සමානය. තවත් විටෙක ගිනි දළුවක් මෙන් උණුසුම් කෙඳිරීමකට සමානය. අනතුරුව මඳක් නිහඬව සිට හදිසියේම කිසියම් දෙයකින් ශෝක වන්නාක් මෙන් කොළ මතින් ශබ්ද නගා සුසුම් හෙලති. වැසි කුණාටු සමග සුළං හමන විට අතු නමා කො‍ළ ගලවා දමමින් දෙපසට වැනෙන මේ පොප්ලර් ගස් බුර බුරා නැගෙන ගින්නක් මෙන් ගොරවයි.

වසර බොහෝ ගණනකට පසු මම මේ පොප්ලර් ගස්වල රහස දැන ගතිමි. ඔවුහු කන්දක් මත නැගී සුළඟට විවෘතව සිටිති. වාතලයේ සුළු චලිතයක් පවා ඔවුන් කෙරෙහි බල පවත්වයි. ඉතා සිහින් සුළං රැල්ලකට පවා ඔවුන්ගේ කොළ ප්‍රතිචාර දක්වයි.

ඒ සත්‍යය දැන ගැනීමෙන් මම දුර්මුඛ නොවූයෙමි. ඔවුන් ගැන මා තුළ වූ ළමා ආකල්පයද එමගින් වෙනස් නොවීය. ඒ ආකල්පය තවමත් මා තුළ පවතී. කන්ද උඩ ඇති ඒ පොප්ලර් ගස් දෙක විස්මිත ජීවීන් දෙදෙනෙකැයි මම අදත් සිතමි.
බිඳී ගිය කොළපාට මායා වීදුරුවක් මෙන් මම මගේ ළමා කාලය ඒ ගස් පාමුල අතහැර දමා පැමිණියෙමි. "

ගුරු ගීතය . . වින්ගීස් අයිත්තමාතව්..//

අපගේ Facebook පිටුව සමග එකතු වන්න -  https://www.facebook.com/adaharaya.lk